Messi na Maradonna baraye barira ayo kwarira nyuma yo gutsindwa na Croatia 3 ku busa

Mu gihe benshi bari biteze ibitangaza kuri Messi n’ikipe ya Argentine mu gikombe cy’isi 2018 birasa naho iyi kipe igiye gutaha mu gihugu cyayo yimyiza imoso nyuma yo gutsindwa n’abasore ba Croatia ibitego 3 ku busa.

Nyuma yo kunganya n’ikipe ya Iceland ku mukino wa mbere wayo mu gikombe cy’isi 2018, ikipe ya Argentine yagiye guhura na Croatia ishaka insinzi mu buryo bwose bushoboka kugirango ibe yakwigarurira ikizere ndetse yereke abafana bayo ko hari ikintu kizima izageraho muri iri rushanwa ako siko byaje kugenda ahubwo Luka Modric na bagenzi ba bayifashe barayiherera barayihondagura maze Maradonna nawe aho yari ari mu bafana akajya arira ndetse atabaza nk’agahinja.

Messi we ku ruhande rwe akaba yasaga n’umuntu wumiwe ndetse wihebye aho byasaga naho yamaze gutakaza ikizere cyo kuba hari icyo Argentine yageraho muri iki gikombe cy’isi.

Igitego cya mbere cya Croatia cyaturutse ku makosa y’umuzamu wa Argentine washatse kuroba Rebic maze umupira arawumwihera undi nawe ntiyazuyaza ahita atsinda igitego