HARAGIRIMANA Dieudonne
Uyu musore w’Umwongereza w’imyaka 20, kuri uyu wa kabiri yatawe muri yombi ku nshuro ya gatatu arashinjwa ibyaha bitandukanye birimo no gufata k’ungufu ndetse n’iterabwoba ryo kwica, akaba yarabikoreye umwana w’imyaka 18 w’umunyeshuri.
Ibi byose byagaragaye nyuma y’uko hasuzumwe amashusho yagiye asakara k’umubuga nkoranyambaga, ayo mashusho yaramugaragaje arimo arakibita uyu mwana, ibi bibazo byose bikaba bikomeje gutuma agirana umubano mubi n’ikipe ye ya Manchester United.
Ku mugoroba wo kuri uyu wa kabiri ikipe ya Manchester United ikaba yaratangaje ko yitandukanyije ndetse idashyigiye ibikorwa ibyo ari byo byose byerekeranye no gufata k’ungufu ndetse n’iterabwoba, mu itangazo yashyize hanze ikaba yagize iti: ” Manchester United yongeye kwamagana byimazeyo ihohoterwa iryo ari ryo ryose. Nkuko byavuzwe mbere, Mason Greenwood ntabwo azitoza, cyangwa ngo akinire iyi kipe kugeza abimenyeshejwe.”
Ibi byaha akomeje gushinjwa bikaba byatumye akurwa mu mukino yo kuri internet, izina rye ndetse n’amashusho ye yahise asibwa muri FUT 22 ikaba iri muri Playstation na PC ikomeye cyane kuko abo bakinnyi ari bo bakinishwa mu mikino yo kuri internet.
Abakinnyi b’ibyamamare benshi nka David Degea, Paul Pogba na Christiano Ronaldo bakaba batakimukurukira ku rubuga rwa Instagram.
ibi bikaba bikomeje kwiyongera ku myitwarire mibi yagiye imugaragaraho aho we na mugenzi we muri Manchester City Phil Foden bigeze gufatwa batorotse aho ikipe y’ubwongereza yari icumbutse muri Iceland ubwo bari bagiye kuhitegurira imikino.
