M.Ben
Lupita Nyong’o w’imyaka 39, ugaragaza uruhare rwe nka Nakia muri Filime ya Black Panther yakinnyemo kuva mu mwaka wa 2018.
Uyu mukinnyikazi w’amafilime yatangaje ko, mbere yo gufata amashusho kuri filime nshya ya Black Panther (Wakanda Forever) ,mu rwego rwo guha icyubahiro uwahoze ayikinamo nk’umukinnyi w’imena Chadwick Boseman.
Abakinnyi bose bagiye gusura igituro cya Chadwick Boseman wari umukinnyi w’imena muri iyi Filime atarapfa.
Boseman bamusanganye kanseri y’amara mu mwaka wa 2016, nubwo yakomeje kwisuzumisha akurikiranwa bya hafi n’abaganga, yaje kwitaba Imana nyuma y’imyaka ine yari amaze arwana na kanseri ubwo yaje kumuhitana muri 2020.
Mu Kiganiro Lupita Nyong’o yagize ati: ‘Twasuye aho aruhukiye mbere yuko dutangira gufata amashusho ya Black Panther kandi twagize ako kanya nk’abakinnyi kuko twababajwe cyane n’urupfu rwe, Twajyanye nabakinnyi bose harimo n’ abashya batigeze bagira amahirwe yo guhura nawe’.
Iyi filime ubusanzwe izwi nka Black Panther gusa kuri ubu yahinduriwe izina isohoka yitwa Wakanda Forever,iyi filime yigaruriye imitima ya benshi kandi irimo n’indirimbo y’umuhanzikazi Rihanna indirimbo yitwa ”Lift me up”.
