Kylian Mbappé yageneye ubutumwa ikipe ya Bayern Munich

Kylian Mbappé , rutahizamu wa Paris Saint -Germain yageneye ubutumwa ikipe ya Bayern Munich mbere y’uko bacakirana mu mukino wo kwishyura wa ⅛ muri Champions League.

Kylian Mbappé waraye ukoze amateka yo kuba rutahizamu w’ibihe byose wa Paris Saint Germain, mu ijoro rya keye ubwo ikipe ye yatsindaga ibitego bine kuri bibiri ikipe ya Nantes. Mbappé igitego yatsinze ku munota wa 92 cyatumye yuzuza ibitego 201 aba aciye kuri Edison Cavani.

Nyuma y’uwo mukino, Kylian Mbappé aganira n’ikinyamakuru Canal Plus ni naho yaboneye umwanya wo guha ubutumwa ikipe ya Bayern Munich bazacikarana kuwa Gatatu kuri Allianz Arena.
Mbappé yabwiye Canal Plus ati ” Ubu ndikwizigamira ibitego kubera umukino wa Bayern ndetse n’indi. Tuzagerageza. Tugiye gutsinda no gukomeza. Tumeze neza ubu ikizere cyacu cyaragarutse , tuzajya hariya gutsinda”.