HARAGIRIMANA Dieudonne
Abahanzi Nelson, Prince na Eloge bashyize hanze indirimbo ‘Twishyize hamwe’ ikubiyemo ubutumwa bushimangira ubumwe bw’abanyarwanda. Iyi ndirimbo aba basore bayihimbye mu rwego rwo kwifatanya n’abanyarwanda kwibuka ku nshuro ya 25 Jenoside yakorewe Abatutsi mu 1994.
Mu kiganiro YEGOB yagiranye na Prince, umwe mu basore bakoze iyi ndirimbo, yatubwiye ko iyi ndirimbo bayikoze mu rwego rwo guhumuriza no kwihanganisha abanyarwanda muri rusange muri iki gihe cyo Kwibuka ku nshuro ya 25 Jenoside yakorewe Abatutsi mu 1994 ndetse no gukomeza gushishikariza urubyiruko gusenyera umugozi umwe tukubaka igihugu cyacu. Muri iyi ndirimbo kandi harimo ubutumwa butanga ihumure ku banyarwanda bubasaba kudaheranwa n’agahinda ahubwo Tukibuka Twiyubaka bijyanye n’insanganyamatsiko yo Kwibuka y’uyu mwaka (Kwibuka Twiyubaka).
