KNC yagaraguye Munyakazi Sadate wigeze kuyoboye Rayon Sports, amutsinda nk’udahari muri 10 Battle

Mu kiganiro 10 Battle cyo kuri Radio/TV10, perezida wa Gasogi United, KNC, yatsinze mugenzi we Sadate Munyakazi wigeze kuyobora ikipe ya Rayon Sports.

10 Battle ni ikiganiro cyo kuri Radio TV 10, gitumirwamo abantu 2 b’ibyamamare, aho umunyamakuru abababaza ibibazo, umwe asabwa kurondora ibintu byinshi mu masegonda 30, uvuze byinshi yabivuga neza agahabwa inota.

Urugero: KNC yasabwe kuvuga umubare w’ibihugu byatwaye igikombe cy’Isi yashobora kuvuga mu gihe cy’amasegonda 30, asubiza ko yavuga ibihugu 7, Sadate we avuga ko yarenzaho 1 akavuga 8, gusa Sadate bamuhaye rugari maze avuga 6 gusa, bivuze ko inota ryabaye irya KNC.

Sadate kandi bamusabye kuvuga umubare w’abaperezida bayoboye u Burundi maze asubiza ko mu masegonda 30 yavuga abaperezida 8, gusa amasegonda yamufashe avuze 5.

Nanone kandi KNC yaje gusabwa kuvuga imipaka y’u Rwanda yarondora mu gihe cy’amasegonda 30, maze asubiza ko yavuga 9, asabwe ku yivuga ayirondora mu gihe gito cyane.

Sadate yananiwe kuvuga imirwa mikuru y’ubihugu 8 byo muri Amarica y’Epfo, kuko amasegonda yamufashe avuze 4.

KNC yananiwe kuvuga abakinnyi ba Manchester City, kuko amasegonda yamufashe avuze 3 kandi yari yiyemeje kuvuga 12.

Ndetse kandi KNC yaje guvuga neza mu gihe gito abatoza 5 bayoboye Amavubi, nk’uko yari yiyimeje kubavuga, gusa ariko byaje kurangira uyu KNC atavuze abaminisitiri bayoboye Minisiteri y’Ububanyemahanga, kuko yavuze 3 kandi yari yiyemeje 3.

Uyu mukino waje kurangira KNC afite amanota 4 kuri 3 ya Sadate.