Kizigenza Lionel Messi aciye amazimwe ku kintu ateganyiriza Igihugu cye cya Argentina

Rutahizamu w’ikipe ya PSG n’ikipe y’igihugu ya Argentine, Lionel Messi atangaje ko arakina igikombe cya Copa America cya 2024.

Ibi uyu mugabo w’abana 3 yabitangarije ikinyamakuru L’Equipe cyandikira mu gihugu cy’ubufaransa avuga ko mu mwaka wa 2024 araba ari kumwe n’abandi bakinnyi ba Argentine muri Copa America igikombe gihuza amakipe y’ibihugu yo kumugabane w’Amerika y’amajyepfo.

Ibi byaje bikurikira ibyo yatangaje mu gihe Argentine yari imaze gutwara ugikombe cy’isi, avuga ko atagiye gusezera ahubwo arakomeza gufasha ikipe ye y’igihugu ndetse ko no mu gikombe cy’isi gikurikira ashobora kuzaba ahari.

Ibi Lionel Messi yatangaje byaje bisubiza ikifuzo cy’umutoza w’ikipe y’igihugu ya Argentine Lionel Scaloni, wavuze ko bakomeje gutegereza Lionel Messi mu ikipe y’igihugu ngo kuko agifite byinshi byo gufasha ikipe ye y’igihugu ya Argentine.