Kirabura Art yisanze ahuriwemo n’impano nyinshi kandi zose azikora neza

Umuhanzi,umusizi ndetse akaba n’umukinankuru( Actor) Kirabura Art yavuze ko afite impano nyinshi Kandi zose azikoresha neza nkuko azifite.

Mu kiganiro twagiranye na Tuyishime Clement ukoresha izina Kirabura_art mu muziki yatubwiye ko ari umuhanzi ufite imwaka 20 akaba akunda umuziki n’ibimushamikiyeho byose.

Uyu muhanzi ukizamuka (Upcoming) afite ibintu byinshi ashoboye gukora mbese ni uruvangitiranye rw’impano (Multi talented) dore ko muri izo mpano harimo: kuririmba,gushushanya ndetse no gukora imivugo n’ibindi,…

Mu gukomeza kuganira na Kirabura Art twamubajije intego afite nyuma yo kwibonamo impano zingana gutyo yatubwiye ko afite intego yo kwagura umwuga we ( carrier) no kugira ijambo muri sosiyete nyarwanda biciye mu bihangano bye

Kirabura ati:”Nkaba mfite intego yo kwagura carrier yanjye no kugira influence muri societe nyarwanda biciye mu bihangano banjye”.

Uyu munyempano asoza avuga ko ateganyiriza kandi araritse abanyarwanda kuzabaha ibihangano byinshi kandi byiza akoresha impano ze zitandukanye.