Kigali:bagiye gufata umurambo w’umwana wabo basanga watwawe n’abandi(Video)

Abo mu muryango wa Habimana Diogene na Uwizeyimana Marie Rose utuye mu karere ka Kicukiro mu murenge wa Gatenga baratabaza, nyuma yuko bagiye gufata umurambo w’umwana wabo mu bitaro bya CHUK bagasanga barawuhaye abandi ni nyuma yaho bari bibarukiye uyu mwana muri ibi bitaro tariki 13 Mutarama 2022.Kuri uyu wa mbere tariki 17 Mutarama 2022 Ubwo abo muri uyu muryango bageraga kuri ibi bitaro bari kumwe n’inshuti n’abavandimwe bari baje kubafata mu mugongo basanzwe umurambo w’umwana wabo warahawe abandi.

Abo muri uyu muryango baganiriye na BTN Tv dukesha iyi nkuru bavuze ko umwana wabo akimara kwitaba Imana ,Ubuyobozi bw’ibitaro bwababwiye ko umurambo w’uyu mwana urashyirwa mu buruhukiro bwa VIP ngo kuko iyo impinja zishyizwe mu buruhukiro rusange zikunze kubura,maze batangiye kujya bishyura amafaranga asaga 29.000 ku munsi ariko baje gukubitwa n’inkuba ubwo bazaga gutwara umurambo w’umwana wabo kugirango abanze asomerwe Misa ,abone gushyingurwa bagasanga ntawuhari.

Minisiteri yubuzima mu Rwanda yatangajeko iki kibazo bakimenye kandi ko ababigizemo uruhare bagiye gukurikiranwa.