Kigali: umugabo akurikiranweho gusambanya abakobwa 7 b’abangavu.

Ibi byabereye mu Karere ka Gasabo, Umurenge wa Kinyinya, Akagari ka Kagugu, Umudugudu wa Gicikiza aho  Urwego rw’Igihugu rw’Ubugenzacyaha, RIB, rwafunze umugabo w’imyaka 58 utarigeze ashaka, akurikiranyweho icyaha cyo gusambanya abana b’abakobwa barindwi bafite imyaka iri hagati ya 12 na 16 y’amavuko.

RIB ivuga ko aba bakobwa yabashukishaga amafaranga akanabagurira ibintu bitandukanye kuko ari umucuruzi. Aba bana ngo bajyagayo mu bihe bitandukanye aho uyu uregwa yacururizaga akabakoreraho ibikorwa by’ishimishamubiri.