Kigali: Indaya yacucuye umusore ariyahura,dore uko byagenze.

Umusore w’imyaka 25 utuye mu mudugudu wa Nyenyeri mu murenge wa kigarama mu karere ka Kicukiro ,yiyahuye kubera indaya yari imaze kumwiba amafaranga ibihumbi icumi.

Uyu musore ngo iyo ndaya bari kumwe nayo yaje kumutwara amafaranga ibihumbi icumi kubyakira byaramunanira ahitamo kwinaga muri Ruhurura ahita apfa.

Abamubonye ashaka kwiyahura babwiye BTN ko uyu musore yari yasinze ndetse afite agahinda nyuma yo kwibwa amafaranga aribyo byatumye yiyahura. Abandi baturage bari aho ibyo byabereye bakomeje kuvuga ko uwo musore yavugaga ko uwo mukobwa bari kumwe yamwibye amafaranga ibihumbi 10 yari afite iwe.

Uyu musore bivugwa ko yacuruzaga ubunyobwa yiyahuye inshuro ebyiri kugirango apfe kubera amafaranga ye.Abaturage bakaba batangaje ko abantu barimo kwiyahura cyane muri iki gihe kubera ubukene n’ibindi bibazo byihariye baba bafite mu ngo.