Judith wahoze akundana na Safi yatangaje ko abafana be bitegura indirimbo ye nshya afitanye n’umuhanzi wo hanze

Niyonizera Judith usigaye akoresha izina rya Judy mu ruhando rw’imyidagaduro yateguje abamukukira indirimbo ye ya mbere agiye gushyira hanze.

Yavuze ko iyi ndirimbo izaba yitwa ‘My Judy’ izajya hanze mu mpera z’iki Cyumweru, aho ubutumwa buyirimo buzaba bugaruka ku rukundo rw’umusore wazengurutse amahanga yose ariko akaba atarabona umukobwa mwiza nka ‘Judy’ n’ubwo we yamwimye urukundo.

Ni indirimbo yahuriyemo n’umuhanzi wo muri Guinea , usanzwe ari umuhanzi ndetse akaba ari n’umukinnyi wa filime dore ko bombi baherutse guhurira muri filime yise ‘Gift of Kindness’.

Judy yavuze ko mu minsi iri imbere afitiye agaseke abakunzi be by’umwihariko abamukunda nk’umukinnyi wa filime akaba n’umwanditsi wazo.