THIERRY Mugiraneza
Jorge Messi umunya-Argentine akaba n’umubyeyi w’umugabo ( Papa) wa Lionel Messi ndetse Jorge akaba ari nawe ushinzwe gushakira Lionel Messi amakipe ( agent) yasabye abafana ba FC Barcelona kwibagirwa Lionel Messi.
Muri iyi minsi imwe mu nkuru iri kugarukwaho cyane ni aho Lionel Messi azerekeza dore ko amasezerano ye n’ikipe ya Paris Saint Germain abura amezi atarenze atanu.
Inkuru zimwe na zimwe zirerekeza Lionel Messi muri Inter Miami muri Amerika , abandi bakavuga ko ashobora kuzajya gukina muri Arabia Saudite ndetse hari n’abandi bavugaga ko Messi ashobora kuzasubira gukinira FC Barcelona.
Muri icyi cyumweru hagati Jorge Messi, se akaba m’Umu-agent wa Messi yahuye n’abayobozi ba Paris Saint Germain baganira kuhazaza ha Messi niba bazaongera amasezerano cyangwa niba bizatazukunda.
Nyuma y’ibyo biganiro se wa Messi yafashe indege yerekeza mu mugi wa Barcelona. Ubwo yaratashye yaganiriye n’ikinyamakuru ‘ Sports’ maze mu magambo ye atangaza ko atabona umuhungu we asubira gukinira FC Barcelona. Jorge yagize ati ” Sintekereza ko Leo azasubira muri FC Barcelona, ibihari ntabwo byuzuzanya. Ntabwo twaganiriye na Perezida Juan Laporta , ntanubusabe bwa FC Barcelona twabonye.”
Lionel Messi yakiniye ikipe ya FC Barcelona kuva muri 2004 kugeza muri 2021 , ubwo yahavaga akerekeza muri Paris Saint Germain kubera ikibazo cy’ubukungu iyo kipe yarifite. Lionel Messi yakiniye ikipe ya FC Barcelona imikino irenga 778 ayitsindira ibitego 672, ahatwarira Ibikombe 35 birimo Laliga, champions league enye, ndetse n’ibindi gusa ikitazibagirana ni Ballon d’Or 7 Messi yatwaye ku giti cye ubwo yakiniraga FC Barcelona.
