“Iteka nzahorana nawe mukundwa” Akari ku mutima wa Clarisse Uwimana wasezeranye imbere y’amateko

Umunyamakurukazi Clarisse Uwimana wasezeranye imbere y’amateko na Festus Bertrand bitegura kubana mu kwezi gutaha yagaragaje ibyishimo yatewe no gusezerana na Bertrand.

Ku munsi w’ejo hashize tariki ya 18 Kanama 2022 nibwo uyu munyamakurukazi yasezeranye imbere y’amateko na Festus Bertrand ndetse anishimira ko atakiri ingaragu ukundi.

Clarisse abinyujije ku rukuta rwe rwa Instagram yishimiye gusezerana na Bertrand aho yagize ati: “Iteka nzahorana na we mukundwa.”

Uyu munyamakurukazi yavuze ko iyi tariki ya 18 Kanama 2022 yasezeraniyeho n’umukunzi we, ari iy’amateka mu buzima bwe.

Uwimana Clarisse, ni umunyamakuru wa siporo ukunzwe mu Rwanda kandi unabimazemo igihe, yakoreye ibitangazamakuru bitandukanye birimo City Radio, Contact FM, Flash FM, Vision FM ndetse na B&B FM akorera uyu munsi.