HARAGIRIMANA Dieudonne
Ku munsi wejo nibwo ikipe ya Fc Barcelona yabonye indi nsinzi yayo igoranye aho yatsinze ikipe ya Getafe ibitego 2-1, mu gihe iyi kipe yari yayibanje ndetse n’igice cya mbere cyarangiye Fc Barcelona itarishyura. Umukinnyi mushya Paulinho niwe waje gukura Fc Barcelona mu mazi abira ayibonera igitego cy’insinzi. Gusa umukinnyi w’iyi kipe ukomeye yaje kuvunikira muri uyu mukino kuburyo biteganyijwe ko azamara hanze igihe kitari gito.
Nkuko ikinyamakuru El Mundo deportivo cyabitangaje, ku munsi wejo nibwo Ousmane Dembele yaje kuvunikira mu mukino na Getafe imvune isanzwe izwi nka Harmstring, imvune yo mu itako, bikaba biteganyijwe ko uyu musore azamara hanze y’ikibuga ibyumweu bitatu byose. Iki akaba ari igihombo gikomeye kuko uyu musore yaratangiye kumenyerana na bagenzi be kuburyo byari gutangira gutanga umusaruro muri iyi kipe.
