Imyaka hafi 2 yose ipfuye ubusa kw’ikipe ya Real Madrid yashakaga kuba ikipe ya mbere mu mateka ikoze aka gahigo iyo itaza gutsindwa

Ibintu ntago biri kugendekera neza ikipe ya Real Madrid yatwaye igikombe cya Champions League n’icya La liga saison ishize,nubwo yari yaratangiye neza itsinda Barcelone muri Supercup.

Nyuma yo kunganya imikino 2 ikurikirana muri La Liga,ikaza gutsinda weekend ishize,ikipe ya Real Madrid yasabwaga nibura gutsinda igitego kimwe gusa niyo iza gutsindwa ari nabyo byabaye,ariko n’icyo gitego kimwe ntacyo yabonye bityo yibuza amahirwe yo kuba ikipe ya mbere mu mateka ya ruhago itsinze byibura igitego 1 mu mikino 74 yose ikurikirana.Kugeza ubu ikaba ifite agahigo ko gutsinda mu mikino 73 yose ikurikirana ariko ni agahigo isangiye n’ikipe ya Santos yabikoze mu myaka ya za 70 igikinamo Pele.

Ni agahigo Real Madrid yatangiye gushaka kuva kw’italiki 3 Gicurasi 2016 kishwe n’ikipe ya Betis Seville yaje kuyitsindira ku kibuga cyayo cya Santiago Bernabeu,ibintu bikomeje gukomerana Zidane uri kwitwara nabi bikomeye muri iyi shampiyona aho amaze kunganya 2 agatsindwa umukino 1 agatsinda 2 agahabwa amakarita atukura 2 akaba arushwa na FC Barcelone iyoboye shampiyona amanota 7 yose kuko yo yatsinze imikino 5 kuri 5 yakinnye.