Inkuru y’akababaro! U Rwanda rwahombye abantu babiri bari bafite akamaro gakomeye bazize impanuka

Abantu babiri bo mu Karere ka Nyamasheke bitabye Imana, nyuma yo kugwirwa n’ikirombe gicukurwamo amabuye yo kubaka.

Byabereye mu Mudugudu wa Muko Akagari ka Ntendezi Umurenge wa Ruhambuga mu gitondo cyo ku wa 11 Ukuboza 2023.

Nsabimana Elysée, urinda iki kirombe yabwiye IGIHE dukesha iyi nkuru ko abagwiriwe nacyo ari Sylvère Gahunda na Emmanuel bahimba Rwegura.

Yavuze ko bahageze batangira gucukura amabuye, abasigamo agiye ku muhanda mu isantere ya Mwaga, agarutse asanga kimaze kubagwira ahamagara abandi baturage bamufasha kubavanamo.

Nyiri ikirombe ari gukorwaho iperereza kugira ngo hamenyekanye uruhare yaba abifitemo.