Inkuru Ishyushye-Lionel Messi ku mugaragaro ntago akeneye Ballon d’or ya 6

Lionel Messi kugeza ubu ufite agahigo ko kuba umukinnyi ufite Ballon d’or nyinshi  (5),nyamara uri kuribwa insataburenge na Cristiano Ronaldo ufite 4,mu gihe habura amezi macye cyane ngo hatangazwe uzegukana Ballon d’or ya 2017,umutoza wa FC Barcelone ku mugaragaro yemeje ko Lionel Messi adakeneye ballon d’or ya 6.

Ernesto Valverde ugiye kumara amezi agera muri 4 gusa atoza Barca,mu magambo ye yavuze ko uyu musore adakeneye indi Ballon d’or yaba iya 6 kuri we kuko abantu bose bazi neza ko ari we mukinnyi w’ibihe byose kw’Isi.Yagize ati “Twese turabizi ko ari we mukinnyi mwiza kw’isi.Kumuha Ballon d’Or cyangwa ikindi gihembo kugira ngo abantu babyemere biri mu binca intege.Ntacyahindura uko tumufata kandi murabizi.”Ibi akaba yabitangarije abanyamakuru mu kiganiro yagiranye nabo mbere y’umukino wa Champions League uza guhuza iyi kipe ya FC Barcelone na Olympiacos.