Ingona ifite uburebure bwa metero 4 yagaragaye ifite umuntu mu kanwa kayo

Ingona ifite uburebure bwa metero 4 yagaragaye ifite umuntu mu kanwa kayo.

Muri Leta ya Floride ho muri Leta Zunze Ubumwe za Amerika, hagaragaye ingona ifite uburebure bwa metero 4 ifite umurambo w’umuntu mu kanwa kayo.

Iyi ngona yabonenkwe n’umugabo witwa JaMarcus Bullard ku munsi wo kuwa Gatanu ushize, iyi ngona nini cyane yagaragaye mu gace ka Pinellas.

Aka gace ka Pinellas ubusanzwe gakunze kugaragara mo ingona nyinshi cyane, ariko abahaturirye bavuze ko ari ubwambere babonye ingona ifite umurambo w’umuntu.

Abashinzwe umutekano bavuze ko bataramenya uwo murambo ngo ninde gusa byagaragaraga ko ari umuntu mukuru, haracyakorwa iperereza ngo bamenye uburyo uwo muntu yaba yapfuye mo.