Indangururamajwi Cardi B aherutse gukibita umufana iri kugurishwa akayabo

Indangururamajwi Cardi B aherutse gukibita umufana wari umumennyeho inzoga muri Las Vegas, yatejwe cyamunara ku isoko ikaba ihagaze arenga 100,000,000 rwf ahwanye na $100,000.

Ubwo yari mu gitaramo yakoreye Las Vegas, umuhanzikazi Cradi B yakubise umufana Microphone ku bwo kumumenaho inzoga arimo aririmba.

Nyuma y’iki gikorwa, abantu bashimagije Cardi B kubwo kwanga agasuzuguro k’abafana bisanzura cyane bagakabya nubwo hatabuze abandi bake banenga uyu muhanzikazi kubera ko yahise agira umujinya.

Uyu mugore wakubiswe indangururamajwi yahise yihutira kurega Cardi B kuri polisi ko yamukoreye ihohoterwa ariko amakuru yamenyekanye nyuma ni uko uru rubanza rutakibaye kuko uyu mugore yabuze ibimenyetso bishinja Cardi B.

Nk’uko tubikesha ibinyamakuru nka Gizmood, Indangururamajwi Cardi B yakubise uyu mugore yazamuriwe agaciro aho kuri ubu wifuza kuyigura watanga $100,000 ubwo ni ukuvuga arenga 100,000,000 rwf.