HARAGIRIMANA Dieudonne
Kenshi na kenshi iyo umuhungu n’umukobwa bakundana koko,amaraso yabo arakururana kuko baba biyumvanamo,umwe yiyumvamo undi.ibyo bigaragara cyane iyo bamaranye igihe.Ibi rero bikaba ari ibyo umukobwa akwiye kwitaho kugirango akurure umuhungu.
1)KWIKUNDA,AGAKUNDA INGESO ZE NZIZA KANDI AKUMVA ZIMUTEYE ISHEMA
Iyo umukobwa akunda uko ameze,agakunda ingeso ze nziza kandi akumva zimuteye ishema,ibyo bitera umuhungu kumva amugiriye ubwuzu akumva amukurura.Abahungu bakunda umukobwa ufite amateka meza y’ubuzima bwe,abakobwa batiyandaritse mu bwangavu bwabo,kandi babanye n’abakunzi babo neza,ikigeretseho bagashimwa n’abahungu benshi kandi ari abo kwifuzwa,abo Baruta ba bakobwa baba batavugwa neza mu myitwarire yabo.iyo ufite imyitwarire ishimwa na benshi,bituma umuhungu yumva uri uw’agaciro,bigatuma akwiyumvamo.
2)KUTISIGA IBIRUNGO BYINSHI KU MUBIRI NGO UKABYE CYANGWA IMIBAVU IHUMURA CYANE
Abahungu ntabwo bangako abakobwa biyitaho cyangwa ngo bisige,ahubwo banga abakabya bakarenza urugero,kukobibahindura abo batari basanzwe baribo.Bityo abakobwa bakaba basabwa kwiyitaho,bakisiga neza ariko badakabya.
3)KWAMBARA NEZA
Umukobwa ushaka kunezeza umuhungu,yambara neza.Kwambara neza abahungu bashima,ni ukwambara ukikwiza utagaragaza isoni z’abwambure bwawe,kuko ibyo bituma umuhungu atakubonamo biri hanze,ahubwo akakubonamo umukobwa umukobwa w’umutima kandi ubereye urugo.
4)GUCA BUGUFI
Umukobwa wiyoroshya,uca bugufi imbere y’umuhungu,ikirenzeho uca bugufi imbere ya buri wese,utari nka babandi basuzugura abandi ngo nuko bafite ubwiza cyangwa amafaranga cyangwa se bavuka mu miryango ikomeye.Umukobwa uca bugufi rero anezeza umuhungu.
5)KUTAGIRA AMAGAMBO MENSHI
Umukobwa utuje utagira amagambo menshi,udakunda kuvuga aho ari hose,uwo anezeza umuhungu kuko amubonamo kwiyubaha.Ariko ibyo umukobwa abikora ataruko atinye abantu arimo cyangwa se isoni,ahubwo ari umuco afite wo kugira umutuzo.Uwo mukobwa akundwa n’abahungu kurenza wa wundi uba ushaka kwerekana ko ashabutse igihe ari mu bandi.
6)KUBAHA BURI WESE
Umukobwa wubaha buri wese ariko akanamenya kwihagararaho no gufata ibyemezo bidahubutse,uwo nguwo akundwa cyane n’abahungu benshi kuko baba bamubonamo ubushobozi burenze.
7)KUGIRA UBUHANGA
Umukobwa ugira ubuhanga yaba mu magambo avuga,mu mitekererze,mu bikorwa ndetse no mu myitwarire,uwo nguwo arubahwa cyane kuko usanga abahungu benshi bifuza kumwegera cyane ngo bamuganirize,kuko bene uwo mukobwa aba afite ibitekerezo byubaka.
8)KWITA K’UMUHUNGU UJE AMUSANGA
Umukobwa uzi kwita k’umuhungu uje amusanga uko yaba ameze kose akamwakirana urugwiro akamwerekako amwitayeho niyo abandi bahita bamusuzugura,uwo mukobwa aba ari umuhanga imbere y’abahungu.
9)KUTAGENDERA MU BIGARE BYA BAGENZI BE
Umukobwa utagendera mu bigare n’amagambo bya bagenzi be,ariko na none akaba Atari nyamwigendaho ahubwo azi gufata ibyemezo atarindiriye kubifatirwa na bagenzi be,uwo akundwa n’abahungu kuko bamubonamo umuntu wishoboye.
10)KWIKORA KU BICE BYE BY’UMUBIRI
Umukobwa uganira n’umuhungu waje amugana kubera urukundo,agatangira kwikora mu umisatsi,ku ijosi,ku ntugu ndetse no ku matama,uwo nguwo akurura umuhungu kuko ibyo ari ibimenyetso byerekanako yamwiyumvisemo.uwo rero akurura umuhungu vuba kuko aba amuhaye igisubizo atabanje kumugora.
11)GUTUNGURA UMUHUNGU UKAMUSOMA
Umukobwa utungura umuhungu atabyiteguye mu gihe bari kuganira agahita amusoma ku itama aba amugaragarije ko amwiyumvamo,ibyo bituma umuhungu amwiyumvamo cyane.
