THIERRY Mugiraneza
Guillaume umufana w’ikipe y’igihugu y’Ubufaransa yagize icyo atangaza ku ishoti riremereye yatewe na Kylian Mbappé.
Mu myitozo yabanzizirizaga (warm up) umukino wa 1/2 w’igikombe cy’isi wahuje Morocco n’Ubufaransa nibwo Kylian Mbappé yateye ishoti riremereye umufana wari inyuma y’izamu mu itsinda ry’abafana b’Ubufaransa.
Guillaume watewe ishoti riremereye na Mbappé yahise agwa igihumure ariko nyuma ubuzima buragaruka ,ubwo uwo mufana yaganiraga n’ikinyamakuru kitwa BFM TV yavuze ko ntakibazo yagiriye Mbappé Kuko yabikoze atabishaka, uwo mufana yagize ati ” Mfite umupira batewe mu biganza byange , nahoze hano kuva igikombe cy’isi cyatangira ndi mu itsinda ry’abafana b’Ubufaransa mvuza ingoma. Navuzaga ingoma ubwo icyi kintu kiza (ball) cyanyituragamo”.
Uwo mufana yongeyeho ko ikintu yibukaga ari induru y’abafana bavuzaga cyane bahamagara Klyian gusa nyuma yabonye Mbappé aza kumureba .
Ubufaransa bwa Mbappé burakina na Argentina ku mukino wa nyuma w’igikombe cy’isi uyu mwaka uzaba ku cyumweru ukabera kuri Lusail iconic Stadium ugatangira saa kumi n’imwe z’umugoroba.
