Imbamutima za Edison Cavani nyuma y’uko Kylian Mbappé akuyeho agahigo ke

Umunya-Uruguay Edison Cavani , akaba yarabaye rutahizamu wa Paris Saint Germain Ikipe isanzwe ikina shampiyona y’ikiciro cya mbere mu Bufaransa ,yashimiye Mbappé kubera amateka mashya yanditse muri Paris Saint Germain.

Mu ijoro rya keye nibwo Ikipe ya Paris Saint Germain yakinaga na Nantes mu mukino w’umunsi wa 26 wa shampiyona y’ikiciro cya mbere mu Bufaransa.

Muri uwo mukino PSG yatsinzemo Nantes ibitego bine kuri bibiri , ni naho Kylian Mbappé yashyiriyeho agahigo ko kuba umukinnyi watsindiye PSG ibitego byinshi mu mateka yayo akuyeho Edison Cavani.

Edison Cavani yagiye ku mbuga ze nkoranyambaga maze ashimira Mbappé ku gahigo yagezeho anamusaba kuzaguma ahagurutsa abafana ba Paris Saint Germain. Cavani yanditse ati ” Ndagushimiye Kylian Mbappé ku gahigo kawe gashya muri Paris Saint Germain, uzagume utume abafana baguruka , utsinde ibitego byinshi”.

Edison Cavani we yari yaratsindiye PSG ibitego 200 mu mikino 301 ariko Kylian Mbappé we akaba yatsinze ibitego 201 mu mikino 247.