Imana yatabariye hafi! Abana babiri bagizweho ingaruka n’umutingito

Mu ibarura rimaze kuba nyuma y’umutingito wabaye mu Rwanda ndetse no mu karere ka Karongi hamaze kumenyekana abana babiri bakomeretse, inka yagwiriwe n’amatafari, ibyumba bibiri by’amashuri n’amazu 11.

Ikigo cy’igihugu gishinzwe Gas, Mine na Peterori kinagenzura ibijyanye n’imitingito cyatangaje ko izingiro ry’uyu mutingito ryari mu karere ka Karongi.

Mu bana bakomeretse harimo umwe w’umwaka umwe n’igice wo mu mudugudu wa Gitwa, akagali ka Gisiza mu murenge wa Rugabano, wahise ajyanwa ku kigo Nderabuzima cya Rugabano bamuha imiti arataha.