Ikipe ya Rayon Sports yamaze gutangaza umukinnyi w’ukwezi muri 3 bahanganiraga iki gihembo

Ikipe ya Rayon Sports yatangaje umukinnyi w’ukwezi kwa mutarama mu bakinnyi batatu bahanganiraga iki gihembo kimaze gukundwa n’abakinnyi b’iyi kipe.

Myugariro Mitima Issac niwe wahawe igihembo cy’umukinnyi mwiza w’ukwezi kwa 1 nyuma yo gutsinda abarimo Ngendahimana Eric uzwi nka Gasongo ndetse na Ndekwe Flex Bose bitwaye neza muri uku kwezi ukurikije uko bigaragaje.

Ibi byabaye kuri uyu wa Kane nyuma y’iminsi igera ku cyumweru aba bakinnyi batatu batangajwe n’iyi kipe basaba abafana ko batora umukinnyi mwiza babonye wigaragaje kurusha abandi bakinnyi ba Rayon Sports nubwo ikipe yose yagize uruhare mu ntsinzi iyi kipe yabonye.

Iki gikorwa cyabereye mu nzove mbere y’imyitozo ikipe ya Rayon Sports yakoze uyu munsi yitegura umukino karundura ifite kuri iki cyumweru tariki ya 5 werurwe 2023 n’ikipe ya Etincelles FC yabatsinze mu mukino ubanza(Phase Aller) ibitego 3-2 ibatusha cyane.

Mitima Issac ahabwa igihembo cy’umukinnyi mwiza w’ukwezi kwa mutarama