Igisubizo cya Platini ku bibaza impamvu umugore we yibarutse nyuma y’amezi 4 aho kuba 9

Hashize iminsi mike Platini Nemeye n’umugore we, Olivia Ingabire, bibarutse umwana w’umuhungu. Aba bombi barushinze muri Werurwe uyu mwaka, abantu benshi batunguwe no kumva umugore wa Platini yibarutse nyuma y’amezi 4 gusa babanye.

Mu kiganiro Sunday Night Show gica kuri Isango star Tv, Platini yagize icyo abwira abantu bose bagarutse ku kuba umugore we yaribarutse nyuma y’amezi 4 gusa bakoze ubukwe. Platini yagize ati « Icya mbere nasubiza ni uko Baba aba ari Baba!  Baba bagira ngo amezi ya Baba ahure n’abandi se kandi uri Baba nyine! Hahahahaha ntabwo bishoboka njyewe ndi njyewe nabo ni bo. Buriya inda ushaka wayitera mbere, ushaka wayitera nyuma, ushaka wareka no kuyitera biterwa n’ubushake bwawe uba ufite guhitamo wowe ikikubereye ntabwo comment z’abantu zatuma uhindura icyo wowe utekereza ».