THIERRY Mugiraneza
Impuzamashyirahamwe y’umupira w’amaguru ku isi (FIFA) yubahirije ikifuzo cya Messi wari wasabye ko Mateu Lahoz umusifuzi wasifuye umukino wahuje Argentina n’Ubuhorandi atazongera gusifura ukundi mu gikombe cy’isi.
Mateu Lahoz umusifuzi ukomoka mu gihugu cya Espagne ni we wasifuye umukino wa 1/4 wahuje Argentina n’Ubuhorandi, muri uwo mukino umusifuzi yatanze amakarita 15 y’umuhondo. Nyuma y’umukino Captain wa Argentina Lionel Messi yabajijwe n’itangamakuru niba yishimiye imisifurire maze atangaza ko kuri we umusifuzi wabasifuriye atazongera gusifura ukundi mu gikombe cy’isi kuko ngo urwego rwo ruri hasi.
FIFA nayo ntiyajuyaje kuko ubu Mateu Lahoz yamaze gusezererwa mu basifuzi bashobora kwifashishwa mu gusifua imikino isigaye y’igikombe cy’isi ndetse Mateu Lahoz akaba yamaze no kugera iwabo muri Espagne.
