Epaphrodite Nsengimana
Irakoze Ariella ukomoka mu Burundi wari umaze igihe kirekire arwaye ikibyimba gikabije mu maso yaje kwitaba Imana mu gihugu cya Kenya aho yari ari kuvurirwa.
Mu gitondo cyo kuri iki Cyumweru tariki 3 Werurwe 2024, nibwo Ariella Irakoze yitabye Imana. Nk’uko umugabo we Moïse Ruberintwari yabitangaje ati:
“Shalom shalom ncuti zacu. Ariella wacu Ariwe wanyu yari ku mugambi w’Imana. Icyo Imana ishatse nicyo kiba, Izaguma ari iyo kwizigirwa.
Twarasenze, mwaradusengeye, mwatubaye hafi.Yesu rero abahe umugisha. Ariella yasinziriye ku musi we w’amavuko. Rero Imana yari ibizi byose.”
Moise na Ariella bari bashinze urugo rwabo muri Nyakanga 2022. Nyuma y’ubukwe yahise arwara ikibyimba kugeza ubu doreko yabyaye umwana yaramaze kurwara, bituma atabona uko asa.
