Ibiro bigera kuri 16 by’urumogi nibyo byafashwe,umwe yasimbutse imodoka ariruka aracika

Ibiro bigera kuri 16 by’urumogi nibyo byafashwe,umwe yasimbutse imodoka ariruka aracika.

Imodoka itwara abagenzi yaturukaga i Mahoko yerecyeza mu Mujyi wa Kigali, yahagaritswe na Polisi ngo iyisake kuko yari imaze kwakira amakuru ko harimo urumogi, umwe mu bagenzi bari bayirimo ahita ayivamo ariruka, hafatirwamo ibilo 16 by’urumogi n’abantu batatu bakekwaho kugira uruhare muri iki gikorwa.

Aba bantu batatu ndetse n’uru rumogi, byafashwe ku ya 19 Ugushyingo 2022, n’ishami rya Polisi y’u Rwanda mu karere ka Rubavu.

Abafashwe, harimo ufite imyaka 57, uwa 51 ndetse n’undi w’imyaka 21 y’amavuko, bafatiwe, mu Murenge wa Nyakiliba, Aba bantu batatu bafatiwe mu modoka itwara abagenzi mu buryo bwa rusange yari iturutse i Mahoko yerecyeza mu Mujyi wa Kigali.