Kubwayo Mc croix
Mu Burundi no mu Rwanda, ibihugu byombi birimo guhangana n’ikibazo cy’ibihara by’inkende. Mu Burundi, abantu umunani bamaze kumenyekana ko banduye iyi ndwara, naho mu Rwanda abamaze kumenyekana ko bayanduye ni babiri. Abashinzwe iby’ubuzima mu bihugu byombi bakajije ingamba zo gukumira ikwirakwira ry’iyi ndwara, harimo no kugenzura no gupima abantu bakekwaho kuba banduye.
Ibihara by’inkende ni indwara ifata uruhu, ikaba yandura hagati y’abantu bahuye bya hafi. Abaturage barasabwa gukomeza gukurikiza amabwiriza y’ubuzima, harimo gukaraba intoki kenshi no kwirinda guhura n’abantu bakekwaho iyi ndwara. Mu Rwanda, minisiteri y’ubuzima irasaba abantu kutagira impungenge kuko inzego z’ubuzima zashyizeho ingamba zihamye zo gukumira ikwirakwira ry’iyi ndwara no kwita ku banduye.
