HARAGIRIMANA Dieudonne
Umuhanzi w’icyamamare muri Tanzaniya, Harmonize yatangaje ko arwaye cyane ndetse ko atagikoze bimwe mu bitaramo bye yari afite mu minsi iri imbere.
Uyu muhanzi yifashishije imbuga ze nkoranyambaga yavuze ko arwaye ndetse akeneye igihe cyo kwivuza gusa ntiyavuga uburwayi arwaye.
HARMONIZE yanditse ati: ’’Nifuzaga gukomeza ibi bitaramo bya In The Club Tour ariko ngomba kujya kwa muganga’’.
Icyakora Harmonize ntiyegeze asobanura indwara arwaye. Ubu burwayi buje nyuma y’ukwezi atandukanye n’umukunzi we wanamubwiye ko nta mahirwe azagira kandi bitazamworohera kongera kubona undi mukunzi.
Sarah Michelotti asa nk’uwavumye Harmonize amubwira ko nta mugore nka we azigera yongera kubona. Uyu munyamideri anyuze ku mbuga nkoranyambaga yanditse ko umugabo aba akwiriye umugore mwiza umwitaho kandI Sarah yamwitagaho cyane. Yanongeyeho ko nta yandi mahirwe azongera kubona yo gukundwa.
https://www.instagram.com/p/CK9ewmXHyh6/?igshid=6419l3ptj4v5
