Haringingo Francis yateye utwatsi ibintu abayobozi ba Rayon Sports bashaka gukora mbere yo guhura na Gasogi United

Umutoza wa Rayon Sports, Haringingo Francis yateye utwatsi ibyo kwifotoza kw’abakinnyi b’iyi kipe na Diamond Platnumz mbere yo gukina n’ikipe ya Gasogi United.

Kuri uyu wa kane ikipe ya Rayon Sports, byari biteganyijwe ko iyi kipe irakora imyitoza yitegura ikipe ya Gasogi United umukino uzaba kuri uyu wa gatanu ku isaha ya saa kumi n’ebyiri z’umugoroba.

Muri iyi myitozo byari biteganyijwe ko abakinnyi bose, abagabo ndetse n’abagore bari bwifotozanye na Diamond Platnumz kubera ko igitaramo arakorera hano mu Rwanda cyatewe inkunga n’umufatanyabikorwa w’ikipe ya Rayon Sports witwa SKOL.

Amakuru YEGOB yamenye avuga ko umutoza Haringingo Francis yanze ibyo kwifotozanya n’uyu muhanzi kubera ko ngo byatuma abakinnyi be badakomeza kwita ku mukino uri ku munsi w’ejo bikaba byanabaviramo kuba batakaza uyu mukino.

Ikipe ya Rayon Sports ifite amahirwe menshi yo gusoza iki gice cya mbere cya Shampiyona bicaye ku mwanya wa mbere bitewe nuko ikipe ya AS Kigali yaraye itakaje umukino bakinnyemo n’ikipe ya Sunrise FC.