Haringingo Francis nyuma yo gutsindwa na APR FC yatezwe agatego asabwa gutsinda indi kipe ijya ibagora byamunanira akirukanwa

Umutoza mukuru w’ikipe ya Rayon Sports, Haringingo Francis Christian, yabwiye abafana ba Rayon ko nta byacitse kuba APR yabatsinze, ahamya ko iyi kipe ikiri mu ntego za yo zo gutwara igikombe.

Ibi byavuzwe nyuma yo gutsindwa na APR FC igitego 1-0. Ibi byatumye haza igitutu kuri Haringingo utoza iyi kipe ikunzwe na benshi mu Rwanda.

N’ubwo uyu mutoza avuga ibi ariko, hari ibyavuzwe ko yaba yibukijwe ko atari kwitwara neza kandi mu gihe byakomeza gutya byatuma ikipe itakaza amahirwe yo kwegukana igikombe cya shampiyona.

Andi makuru aturuka mu baba hafi cyane ya Rayon Sports, avuga ko Haringingo yasabwe gutsinda umukino wa Gasogi United wok u munsi wa 15 wa shampiyona, atawutsinda bikaba byamuviramo gutakaza akazi.