Geovanis
Polisi kuri uyu wa gatandatu yafunze igitaramo cyari cyateguwe mu rwego rwo kumurika sosiyete yashinzwe na Kayumba Darina wabaye Igisonga cya Miss Rwanda 2022, Umuhoza Pascaline na Sabine Mutabazi bose bitabiriye iri rushanwa.
Aba bombi nyuma y’uko bahuriye mu urushanwa rya Miss Rwanda, ntago bigeze bashaka kuryamisha izina bahakuye ahubwo bahise bakora sosiyete ya Groupon ishinzwe gutegura ibitaramo.
Icya mbere bari bateguye kikaba icyo kuyimurika cyatumiwemo Nel Ngabo, Chris Eazy, DJ Higa & DJ Rusam na DJ Brianne.
Ahagana saa tanu z’ijoro mu gihe DJ Brianne yari akisuganya ngo abyinishe abantu mu muziki yari yateguye kubacurangira, yatunguwe no kubona imodoka ya Polisi igeze ahaberaga iki gitaramo bahita bazimya ibyuma.
Umupolisi wazimije ibyuma by’ahaberaga iki gitaramo yavugaga ko bitewe n’urusaku ruri kuva aho kiri kubera.
