Epaphrodite Nsengimana
Mu karere ka Gasabo mu murenge wa Gatsata, haravugwa inkuru y’umusore waguriye inzoga umukobwa wari wamusuye aho asanzwe acururiza maze amusabye ko baryamana aramwangira ahita amutera icyuma nawe arakitera.
Uyu musore witwa Hagenimana ucuruza iduka yatumiye inkumi maze ayigurira inzoga, gusa ngo bari bafite gahunda y’uko bari buze kuryamana, gusa ngo nyamukobwa amaze gusinda yabwiye umuhungu ko arataha bataryamanye.
Umusore byamurakaje maze ahita atangira kumukubita inshyi, abonye atanyunzwe afata icyuma arakimutera maze nawe ahita acyitera mu ijosi, gusa abaturage baje gutabara basanga ntawe urapfa.
Abaturage bo muri aka gace bavuze ko uyu mukobwa yagombaga kwemera kuryamana n’umusore ngo kuko yari yabimwijeje kandi yanamuguriye. Gusa aba bombi byaje kuramgira bajyanywe kwa muganga.
