Ese umutoza wa Police Fc Francis Nuttal yaba yarirukanywe?

Umutoza ukomoka mu Bwongereza Francis Nuttall Elliott w’imyaka 53, utoza ikipe ya Police Fc amaze igihe atari mu Rwanda kuko yasubiye iwabo.

Uyu mutoza yagiye mbere y’imikino ibiri Police Fc iheruka gukina muri shampiyona na mbere y’uko shampiyona ihagarikwa, iyo mikino uyu mutoza atatoje ni umukino batsinzwemo na Rayon Sports ibitego bibiri ku busa (2-0), ndetse n’undi mukino  batsindagamo ikipe ya Gasogi Fc ibitego bitatu kuri bibiri (3-2).

Uyu mutoza agenda byavugwaga ko yanduye Covid-19 ari mu Kato, gusa amakuru ahari nuko uyu mutoza yisubiriye iwabo kandi nta muntu wemererwe kuva mu gihugu yaranduye Covid-19.

Ikipe ya Police Fc nta kintu iratangaza kijyanye n’uyu mutoza wayo umaze igihe atari mu kazi ko gutoza ikipe ya Police Fc, dore ko shampiyona yagarutse  nyuma yo guhagarikwa kubera icyorezo cya Covid-19.

Ubusanzwe ntago bikunze kubaho ko umutoza uturuka ku mugabane w’uburayi asubira iwabo mu kazi hagati, dore ko bakunze kugenda mu biruhuko akazi karangiye.

Uyu mutoza Francis Nuttall Elliot ameze amezi ane (4) mu ikipe ya Police Fc mu  mezi cumi n’abiri (12) agomba kumara mu ikipe ya police Fc, dore ko yasinye amasezerano y’umwaka umwe.

Biteganyijwe ko ikipe ya Police Fc izahura na Mukura VS ku wa mbere tariki ya 18 Mutarama 2022, uwo mukino azaba ari umunsi wa cumi na kabiri (12) wa shampiyona. Uyu mutoza ashobora kuba yaragarutse cyangwa atari yagaruka ngo atoze uyu mukino.