HARAGIRIMANA Dieudonne
Nyuma y’amakuru yavugaga ko Miss Uwase Muyango na Kimenyi Yves bari mu byishimo byo kuba bibarutse imfura yabo ,kuri ubu biravugwa ko ashobora kuba atari ukuri ko koko yabyaye.
Mu nkuru ya InyaRwanda ivuga ko Muyango ubwe yahakanye ko yibarutse ndetse anayima n’ababivuze. Miss Muyango yagize ati:“Ariko icyakoza reka nkubwire ubu ndi kumva uri kunsetsa, ubu iri jwi ryanjye uri kumva ndi kuvuga nk’umuntu wabyaye koko. Ntabwo ari byo rwose ubungubu nari niryamiye rwose nanjye nta n’ubwo nari mbizi ariko ntabwo bintunguye kubera ko ibimvugwaho ni byinshi. Ikintungura ni uko nta muntu njya nima amakuru ariko njya gutungurwa nkabona abantu batwanditseho ibintu bitandukanye nyamara atari byo hhhh.”
Miss Muyango yabwiye abantu batandukanye bakunda kumwandikaho ibintu bitari byo ko rwose abiyamye agira ati: ’’Ndabiyamye abantu bandika amakuru atari yo, nta kindi kintu nababwira abantu byarancanze”.
