Eric Ndagijimana uzwi nka X-Dealer ukurikiranyweho kwiba terefone ya The Ben yakatiwe

Eric Ndagijimana uzwi nka X-Dealer yakatiwe iminsi 30 y’agateganyo. Ni umwanzuro w’urukiko rwavuze ko hari impamvu zatumye azajya aburana afunze.

Eric Ndagijimana uzwi nka X-Dealer ukurikiranyweho ubujura bwa telefoni ya The Ben, urukiko rwemeje ko icyifuzo cyo gufungurwa cyateshejwe agaciro. Eric Ndagijimana arajya muri gereza ajye akurikiranwa afunzwe. Kuva uyu mwanzuro usomwe uhise uba itegeko, akaba afite iminsi 5 yo kujurira. Ariko azajurira afunze.

Urukiko ruvuga ko hari impamvu zikomeye zatumye atakurikiranwa ari hanze. Urukiko rero rwemeje ko afungwa iminsi 30 y’agateganyo muri gereza. Iyi telefoni yibiwe i Burundi mu mujyi wa Bujumbura kuri Eden Garden Resort ikora ku kiyaga cya Tanganyika. Ni telefoni yibwe mu ijoro ryo ku wa 30 Nzeri 2023.