Emmanuel Arnold Okwii agiye kugaruka gukina mu Rwanda

Rutahizamu w’umugande Emmanuel Arnold Okwii wakiniraga kiyovu Sport umwaka ushize agiye kugaruka gukina muri iyi kipe.

Umwaka ushize Arnold Okwii ndetse na Bigirimana Abedi bari mu bakinnyi bafashije cyane ikipe ya kiyovu Sport kugirango ibashe kugarukira ku mwanya wa kabiri wa shampiyona.

Umwaka urangiye, Okwii ari mu bakinnyi bagarutsweho bifuzwa n’amakipe yo hanze biza no gutuma yanga kongerera amasezerano ikipe ya kiyovu Sport bahita batekereza kuzana abandi bataha izamu barimo Riyard Norodien ndetse n’umurusiya Valdslav.

Amakuru YEGOB twamenye, aravuga ko uyu musore yamaze kumvikana na Kiyovu Sport bari baranze kumvikana, bivuze ko mu kwa mbere isoko ry’igura n’igurishwa ry’abakinnyi nawe azahita yandikishwa nk’umukinnyi w’iyi kipe.

Uyu musore kuva yagenda ngo nta kipe nimwe yigeze abona yo kuba yakinira, bivuzeko yibereye iwabo muri Uganda.

Emmanuel Arnold Okwii yakiniye amakipe menshi akomeye Arimo Simba SC, Étoile du Sahel, SC Villa, Young Africans, Al lttihad ndetse na Kiyovu Sport.