Mike Mugisha
Ed Sheeran yongeye kuba uwa mbere ku rutonde rw’abakize rukorwa ni ikinyamakuru cya Heat cyo mu bwongereza ku nshuro ya gatatu kikurikiranya.
Umuhanzi uzwi cyane cyane ku isi na hano mu Rwanda mu ndirimbo zirimo Perfect, Shape of you n’izindi akomeje kuyobora abandi basitari mu gihugu cy’ubwongereza bafite imyaka guhera kuri 30 kumanura bakize akaba afite umutungo ubarirwa million 236.7 z’amapawundi (£236million).
Uyu muhanzi akaba n’umwanditsi Ed Sheeran kuri ubu afite agahigo ko kuba ariwe ufite indirimbo yacuranzwe cyane ariyo Shape of you ndetse akaba ariwe wagize concert mpuza-mijyi yinjije agatubutse. Kuri ubu Ed Sheeran aritegura gusohora umuzingo w’indirimbo yise ‘EQUAL’ utegerejwe n’abatari bake mu bice bitandukanye by’isi.
Ed Sheeran kuru uru rutonde yaje imbere ya Harry Styles wahoze mu itsinda ryakunzwe n’abatari bake rya One Direction kuri ubu ukora umuziki ku giti cye(solo).
Uyu musore w’imyaka 27 y’amavuko kuri ubu ubarirwa agaciro ka miliyoni 80 z’amapawundi (£80million)yagaragaye muri film ya ‘Dunkirk’ ndetse na film ya Marvel yitwa ‘Eternals’.
Itsinda rya Lillt Mix riri ku mwanya wa gatatu ku gaciro ka miliyoni 66.7 z’amapawundi(£66.7 million). Iri tsinda rigizwe n’abakobwa ryashinzwe mu irushanwa rya ‘The X Factor’ mu mwaka wa 2011- kuri ubu ryatakaje umwe mubo batangiranye Jesy Nelson mu Kuboza umwaka ushize nyuma yo gutangaza ko kuba muri iri tsinda bimutera ibibazo byihariye.
Ku mwanya wa kane haje Niall Horan ubarirwa agaciro ka miliyoni 57.5 z’amapawundi (£57.5million), umwanya wa gatanu hari umunyamideli Cara Delevigne ubarirwa agaciro ka miliyoni 52 z’amapawundi. (£52 million)
Andi mazina azwi yagaragaye kuri uru rutonde rw’icumi bafite agatubutse harimo Loius Tomlinson na Liam Payne babarirwa agaciro ka miliyoni 47 z’amapawundi, Dua Lipa afite miliyoni 43.5, Zayn Malik afite miliyoni 38 z’ama pound, Sam Smith afite miliyoni 36.8 z’amapawundi.
Kuri uru rutonde, umunyonzikazu Laura Kenny niwe ubimburira abanda kuri uru rutonde nk’umugore ukize mu bakora sport. Kyrie Jenner yakomeje kuba icyamare gikize hanze y’ubwongereza mu bafite imyaka 30 kumanura kuri ubu ubarirwa miliyoni 773 z’amapawundi.
Urutonde rwose rwa Heat magazine:
Ed Sheeran, 30, £236.5 million
Harry Styles, 27, £80 million
Little Mix, £66.7 million
Niall Horan, 28, £57.5 million
Cara Delevigne, 29, £52 million
Louis Tomlinson, 29, £47 million
Liam Payne, 28, £38 million
Dua Lipa, 26, £43.5 million
Zayn Malik, 28, £38 million
Sam Smith, 29, £36.8 million
