Social Mula
Niba ukurikira uruganda rw’imyidagaduro hano mu Rwanda, ntago waba utazi Dj Bissosso nk’umwe mu bantu bamaze igihe muri urwo ruganda ndetse akaba ari mu bagabo bavangavanga imiziki bazwi nka ‘DJ’. Dj Bissosso akaba yaragize uruhare mu guteza imbere uyu mwuga ndetse yigisha n’abenshi kuwukora harimo n’umukobwa bafitanye isano uzwi nka Dj IRA.
Dj Bissosso urangwa no gutebya ndetse no kuganira mu buzima busanzwe, yasangije abamukurikira ku rubuga rwa Instagram ari muri sitidiyo itunganya umuziki asa nkuri gukorerwa indirimbo.
Nkuko bigaragara muraya mashusho, Dj Bissosso yanditseho ago “Ndasiba nande?” agaragaza ko naza mu muziki hari bamwe mu bahanzi ari bukure ku mugati.
Nubwo tutabihagararaho ko agiye gusohora indirimbo ariko Bissosso aramutse asohoye indirimbo yaba ateye ikirenge mucya bagenzi be bakoze indirimbo barimo nka Dj Lenzo, Dj Philpeter, Dj Toxxik, Dj Marnaud n’abandi…
Ese ubona Dj Bissosso agiye mu muziki yakurura abafana?
