THIERRY Mugiraneza
Ikipe ya Kiyovu Sports yahaye ubutumwa ikipe ya Rayon Sports mbere y’uko izi kipe zicakirana.
Ku cyumweru ikipe ya Rayon Sports iracakirana na Kiyovu Sports mu mukino w’umunsi wa 18 muri shampiyona y’ikiciro cya mbere mu Rwanda. Aya makipe yombi agira ihangana rikomeye iyo agiye guhura haba havugwa byinshi ku mpande zombi cyane cyane amagambo y’ubwishongozi.
Kuri iyi nshuro Kiyovu Sports yagiye ku mbuga zayo nkoranyambaga maze ibwira Rayon Ko ibyaga bibera i Nyamirambo bizimukira i Muhanga aho izi kipe zizakinira ku cyumweru.
Rayon Sports na Kiyovu Sports zigiye gukina Kiyovu ariyo imaze igihe yaraboneranye Rayon dore ko mu mikino 10 iheruka kubahuza , Kiyovu yatsinze itanu , Rayon Sports itsinda ibiri banganya itatu. Izi kipe zigiye guhura zegeranye ku rutonde rwa Championa kuko Rayon Sports iri ku mwanya wa kane n’amanota 32 naho Kiyovu Sports ikaza ku mwanya wa gatanu n’amanota 31.
