Cristiano Ronaldo yishimiye cyane igitego yatsinze agira nicyo agitangazaho

Ejo hashize kuwa 6 shampiyona ya Saudi Arabia yakomeje hakinwa imikino yo ku munsi wa 21, ikipe ya Al Nassr ikinamo kizigenza Cristiano Ronaldo yakiriye Abha ku kibuga cyayo.

Ikipe ya Abha niyo yafunguye amazamu ku munota wa 26 ibona igitego cya mbere gitsinzwe na Abdel Fatah Adam, ku mupira yari ahawe na Saad Bguir.

Cristiano Ronaldo yaje kukishyura ku munota wa 70, iki gitego ni icya kufura aho yayiteye mu buryo yajyaga abigenzamo agikina mu makipe ikomeye nka Real Madrid na Manchester United.

Cristiano Ronaldo amaze gutsinda ibitego 9 muri shampiyona ya Saudi Arabia ejo hashize yatsinze igitego cya mbere ari kuri sitade y’ikipe ye kuva yayigeramo mu mikino ya shampiyona ya Saudi Arabia, arabyishimira ndetse agira n’icyo atangaza

Yashyizeho ifoto yishimira iki gitego maze arandika ati “Ni byiza kubona intsinzi, ndetse nishimiye gutsindira hano kuri sitade yacu turi kumwe n’abafana bacu”.