HARAGIRIMANA Dieudonne
Cristiano Ronaldo rutahizamu w’ikipe ya Real Madrid uzwiho kumvikana n’umufaransa Karim Benzema, kurubu yaba yamaze kuva ku izima maze abwira ubuyobozi bwa Real Madrid umukinnyi yifuza ko yaza gusimbura Karim Benzema mu gihe ubwumvikane bwaba bombi bwaba bwatangiye kuzamo agatotsi, dore ko Cristiano Ronaldo ariwe wari waratumye Karim Benzema atava muri iyi kipe.
Amakuru dukesha ikinyamakuru Don Balon aravuga ko Cristiano Ronaldo yegereye Florentino Perez akamubwira ko yifuza ko Karim Benzema yazasimburwa na Marcus Rashford rutahizamu w’ikipe ya Manchester United. Ibi akaba yabigarutseho nyuma yuko ubuyobozi bwa Real Madrid bwari bwatangaje ko mu mpeshyi itaha bushaka guca agahigo ku ko kugura Harry Kane rutahizamu w’umwongereza ukinira ikipe ya Tothenham Hotspurs amafaranga menshi azamugira umukinnyi wa kabiri uhenze ku isi.
