HARAGIRIMANA Dieudonne
Cristiano Ronaldo kuri ubu wakomereje ubuzima i Riyadh muri Saudi Arabia , yagiranye ibihe bidasanzwe n’umuteramakofi Francis Ngannou ufite shampiyona ya UFC Heavyweight Champion yatsindiye muri Werurwe ,umwaka wa 2021 atsinze uwitwa Stipe Miocic
Babinyujije ku mbuga nkoranyambaga zabo ,yaba Francis Ngannou na Cristiano Ronaldo bagaragaje ko bagiranye ibiganiro byari ingirakamaro n’ubwo batigeze berura neza ngo bavuge icyo ibiganiro byabo byibanzeho.
Francis Ngannou yagize ati:”nagiranye ibiganiro byiza n’ihene (Goat) uyu munsi i Riyadh, byari ingirakamaro” , ni mu gihe ku ruhande rwa Cristiano we yanasangije amashusho mato abamukurikira ameze nk’uwiteguye kurwana (iteramakofi) na Ngannou ariko kwiyumanganya bikamunanira agakubita agatwenge.
Francis ni umunya Cameroon wibera mu gihugu cy’Ubufaransa , asanzwe ari inshuti y’abakinnyi b’umupira w’amaguru , muri bo harimo na Kylian Mbappe yashimiye cyane ubwo yitwaraga neza ku mukino wanyuma w’igikombe cy’isi cya 2022.
Cristiano Ronaldo squaring up with Francis Ngannou 😅👊 pic.twitter.com/36hUtIwDgl
— ESPN FC (@ESPNFC) January 21, 2023
