Cristiano Ronaldo ahinduye ibitekerezo bye kuri Manchester United

Rutahizamu wa Manchester United, Cristiano Ronaldo yamaze guhindura intekerezo ze kuri iyi kipe aho yavuze ko ibirenze kuba umukinnyi wa Ruhago ashaka kuzaba umutoza w’iyi kipe mu gihe azaba atagikina.

Cristiano Ronaldo uherutse gusinya amasezerano y’imyaka ibiri ndetse ashobora kongerwa ikaba imyaka itatu, yifuza ko mu gihe yaba ashoje gukina yahita yinjira mu mwuga w’ubutoza.

Inkuru y’ikinyamakuru the Mirror ivuga ko Cr7 ashaka kujya mu itsinda ry’abatoza ba Manchester United, ndetse agatangira gukurikirana umwana we uzaba ari muri iyi kipe.

Umutoza wa Manchester United Ole, aherutse kuvuga ko atazatungurwa no kubona Ronaldo azageza imyaka 40 agikina. Yagize ati: “Sinzatungurwa no kubona Ronaldo azaba akiri mu kibuga ku myaka 40. Yakoresheje imbaraga zose zishoboka kugira ngo agere kubyo yagezeho, niyo mpamvu akwiye icyubahiro kubera imbaraga yakoresheje.”