Burya ntabwo birangirira mu kuryana: Ibyiza utakekaga habe na gato byo kurya Urusenda ku buzima bwawe

Abantu benshi bakoresha Urusenda ariko ntibazi akamaro karwo, muri iyi nkuru tugiye kukubwira akamaro ku rusenda mu mubiri wawe.

Urusenda ni imvano ikomeye cyane ya vitamin C, ikaba ingenzi cyane mu mikorere y’umubiri, yitabazwa mu gukora collagen; poroteyine y’ingenzi mu gusana umubiri, udutsi tw’amaraso, uruhu, ingingo ndetse n’amagufa.

Rurinda indwara zitandukanye za infections zishobora kwibasira umubiri (kuko vitamin C yongerera umubiri ubudahangarwa), kubyimbirwa n’indwara yo kubura vitamin C.

Ubushakashatsi bwerekanye ko Urusenda rufite ubushobozi bwo kurwanya bagiteri, kurwanya kanseri, kurwanya diyabete no gukuraho uburibwe.

Ni isoko nziza ya vitamin A n’izindi flavonoids nka beta-carotene, alpha carotene, lutein, zea-xanthin na cryptoxanthin, ibi byose biri mu rusenda bifasha umubiri kuwurinda uburozi.

Urusenda ni isoko nziza ya vitamin B zitandukanye harimo: B1 (thiamine), B2 (riboflavin), B3 (niacin) na B6 (pyridoxine). Zifasha mu mikorere y’umubiri itandukanye; nko kurinda imikorere mibi y’imitsi, mu gutunganya poroteyine no gukorwa kw’imisemburo.

Urusenda rwifitiye imyunyungugu myinshi nka: potasiyumu, ubutare na manyesiyumu. Potasiyumu ni ingenzi cyane ku mikorere y’uturemangingo n’amatembabuzi afasha mu miterere y’umutima n’umuvuduko w’amaraso. Ubutare nabwo bufasha mu ikorwa ry’amaraso