Geovanis
Umukinnyi Bruno Fernandes yanze gushinja mugenzi we Ronaldo bakomoka mu gihugu kimwe ko kugaruka kwe muri Manchester United ari kimwe mu byatumye asubira inyuma.
Fernandes akihagera yahise yerekana itandukaniro kuko yatsinze ibitego 29 anatanga imipira 19 yavuyemo ibitego mu mikino 53 ye ya mbere muri Premier League,nyuma yo kuva muri Sporting Lisbon muri Mutarama 2020 ku masezerano ya miliyoni 55 z’ama pound.
Fernandes yagize ati: “Imyinshi mu mipira ivamo ibitego natanze niwe nayihaye, ntabwo rero ntekereza ko bikwiriye.
Nagize ibihe bibi nkurikije imibare yanjye. Ntabwo ntekereza ko bijyanye na Cristiano.
Mbere yuko aza nafataga penaliti ariko nagize amahirwe yo gutera ebyiri ariko zose narazihushije. Ntabwo rero narenganya Cristiano gufata penaliti, cyane ko yazitsinze.”
