M.Ben
Urubanza rwa Jado Castar rwari gusoma uyu munsi saa tanu rwasubitswe rwimurirwa mu kwezi gutaha.
Uru rubanza rwari gusomwa saa tanu zuzuye gusa iyi saha yaje kwimurwa rushyirwa saa kumi z’umugoroba. Saa kumi zuzuye inteko y’Umucamanza yinjiye mu cyumba cy’urukiko yari ije gusoma urubanza rwa Bagirishya Jean de Dieu uzwi nka Jado Castar.
Castar n’abamwunganira mu mategeko nta n’umwe wari mu cyumba cy’Urukiko, Ubushinjacyaha nabwo ntabwo bwari mu cyumba cy’Urukiko. Bamwe mu bo mu muryango we bari bahari, na mugenzi we David Bayingana basanzwe bakorana.
Umucamanza nyuma yo gusoma imanza enye, yageze kuri Bagirishya Jean de Diue avuga ko urubanza rwe rugitegurwa neza.
Urubanza rwa Jado Castar rwashyizwe saa kumi z’umugoroba, ubundi rwari gusomwa saa tanu za mu gitondo nabwo Umwanditsi w’urukiko yaje avuga ko rudasomwa kuko Umucamanza yari ari kurutegura.
Mbere yo kuburana ubujurire, Umucamanza yari yabanje kurusubika kabiri mu bihe bitandukanye biturutse ku impamvu z’Urukiko.
Umucamanza yavuze ko urubanza ruzasomwa ku wa 07 Werurwe 2022 saa tanu za mu gitondo.
Mujye mwibutsa abantu nicyo yazize naho ibi ntamwuga urimo ninko gukora ubusa