M.Ben
Myugariro w’ikipe y’igihugu Amavubi, Ngwabije Bryan Clovis yamaze kwerekeza mu ikipe ya Andrézieux FC yo mu cyiciro cya kane mu Bufaransa.
Uyu musore ukina yugarira cyangwa se ku ruhande rw’ibumoso yugarira, yerekeje muri iyi kipe nyuma yo gusoza amasezerano ye muri Lyon La Duchère.
Ngwabije Bryan Clovis akaba asubiye muri iyi kipe ya Andrézieux FC bwa kabiri dore ko umwaka w’imikino 2018-19 ari ho yawukinnye ubwo yari avuye mu ikipe ya 2 ya Lyon.
Iyi kipe ibinyujije ku mbuga nkoranyambaga zayo, yahaye ikaza uyu musore w’imyaka 24 usubiyeyo nyuma y’uko 2018 abafashije.
Ngwabije Bryan Clovis ni umunyarwanda wavukiye mu Bufaransa, akaba yaragiye yifashishwa n’ikipe y’igihugu, yakunze guhamagarwa ariko nta bwo arabona umwanya uhoraho wo gukina.
